新手Q&A
請問在那裏下載光影魔術手?
光影魔術手(nEO imaging)可以於以下的地址下載： 繁體版：本站鏡像 (3.01.20) 簡體版：官方網站 注意：繁體版官方已經沒有更新，本站鏡像是由台灣的網友翻釋的。 (7月18日)
夜景難題一問
問： 如果影夜景，當然是慢快門加腳架最理想，但夜影中的人像要如何拍攝呢？因為就算部機唔震，都難免主體可以幾秒唔郁。有冇可能可以做到，主體用閃光，背影用慢快門影呢？不過咁樣又點樣測光=.= 調高ISO是否唯一的方法？ 答： 影夜景人像是比較困難的，如果用slow sync但是沒有腳架，你要確保快門速度在安全範圍內以避免手震，增大光圈和提高ISO可以令快門速度更快，測光其實用pattern便可(測背景)，反而是閃燈有需要使用FV lock或減低輸出令主體自然一點。你可以多試一點看看~~ (7月18日)
相片儲存JPG後質素有沒有分別?
問： 為甚麼我每次將 JPEG 相過落電腦後, 我用小畫家開, 之後再用 save as 取代原本個 file, 這個動作會將一張本來大約 2MB 的相變為 800KB 左右, 點解會咁既? 其實張相的質素有無差別? 麻煩你為我解答一下~ 謝謝！ 答： 我好少用小畫家的... 但係我諗應該小畫家會將張相壓縮得好勁，所以size會細左好多。如果你唔識用Adobe Photoshop，其實你可以試下用 http://www.fotobeginner.com/375/add-photo-frame/ 入面果個neo imaging，咁你就有得調較壓縮比例喇。 (7月18日)
如果初學攝影，應該用哪一種焦距鏡頭?
問： 如果初學攝影，應該用哪一種焦距鏡頭? 答： 用甚麼焦距的鏡頭便視乎你拍攝甚麼了，當然正常來說一支18-50/70/105/200mm應該是最常用的，如果你常常拍攝人像可以考慮購買50mm或 85mm的定焦(附大光圈)，如果你喜愛拍攝景物也可以添購更廣角的鏡頭如10-12mm，可以拍攝出景物/建築物的氣勢，微距攝影也是另一種需要另外添置的器材，不過可以往後再打算。還有如果你是用Nikon/Canon的話最好選擇一些有減手震(VR/IS)的鏡頭，實用性很強! (7月18日)
副廠的外置閃光燈好嗎?
問： 我用緊Nikon，朋友說如果買SB600，不如買副廠閃還要好了，一來價錢差唔多，二來功能上副閃又唔太差，只係2手市場會差少少外，自用跌爛都唔會太肉痛，印以現在諗緊隻nissin i622，唔駛一千蚊，都合乎我budget，唔知你點睇呢? 答： 如果副廠閃同支原廠閃差唔多價就當然買原廠啦... 我相信原廠TTL點都準的... 除非你要支火力強的又無咁貴既副廠閃啦。不過外閃依的野基本上買左一支就唔使再買(玩多支飛燈例外)，直至支閃壞、轉會或者唔玩相機，所以你自己在這幾個因素考慮下喇！ (7月18日)
有VR等於沒有?
問： 而家用緊D60+55-200mm VR,不過覺得支鏡唔係太好用,個VR有等於冇咁... =.=" 遲下小弟都想轉玩D90,不過最主要都係想知部機推高iso掂唔掂 (同D80比較邊個好D?) 加上我又睇中支70-300mm 好耐,請問師兄支鏡個VR好唔好用 (ZOOM到170mm以上果陣用1/20秒穩唔穩陣?) 答： VR是可以減少手震影響的，當然效果視乎震動的程度！我自己便非常欣賞Nikon的VR，它在我的18-200VR上發揮得很好，特別是在晚上弱光拍攝時。 對於D80和D90的ISO比較，其實我之前也發表過文章，你可以用來作參考： ISO訊噪小測試：Nikon D80 vs D90 http://www.fotobeginner.com/283/iso-test-nikon-d80-vs-d90/ 支70-300 zoom到170mm你的"安全快門"理論上需要到1/160s或更快(相機很少有1/170s的，所以用1/160s)，就算加上VR減手震，1/20s這樣慢一定不行，反而70mm端便有可能(但機會仍然小)，當然你需要練習。 關於安全快門請參考： 避免相片模糊的小技巧 http://www.fotobeginner.com/188/tips-to-prevent-blur-photo/ (7月18日)
UV filter可以跟CPL一起用嗎?
問： 看過常用鏡頭配件 - 濾鏡(Filter)一文，知道UV Filter 對於大部分相片來說也沒有甚麼效果，如果我長期把UV Filter加在鏡頭上當保護鏡頭，到有需要時再加CPL上去，兩塊一起會不會有問題? 答： UV和CPL其實有一定的厚度，當使用廣角鏡的時候就會有機會出面黑角，影響相片，因此不太建議兩塊同時間用。加上CPL本身會比 UV厚一點點，就算單獨使用CPL時，都有機會有黑角的出現，因此如果打算在超廣角的鏡頭(例如: 12-24mm, 17-35mm)使用CPL，都建議選擇一些比較薄的CPL，避免黑角的出現。 當然筆者也是一個比較懶的人，當只是一、兩張相需要用上 CPL或星鏡的時候，我都會因為懶而不拆下原來的UV。但如果大部份時間都需要用上UV以外的Filter時，我便建議把UV拆下了! (7月18日)
為甚麼焦距越長越容易拍出模糊的照片?
關於Zoom後相片容易變模糊的問題，其實至少有兩個原因： 當我們Zoom得越遠，放大率便越高，假設我們的放大率是10倍，若果我們的相機移動1mm，遠方的物件已經移動了10mm了，所以只要我們有輕微的手震畫面便已經變模糊了。 很多zoom鏡也不是恆定光圈(參考甚麼是"恆定光圈"一文)，zoom得越遠光圈便會變得越細，光圈變小了快門便會跟著變慢，慢快門有機會導至相片模糊。 你也可以參考避免相片模糊的小技巧一文。 希望幫到你！ (7月18日)
