常用鏡頭配件 - 濾鏡(Filter)
各位攝影新手可能在雜誌或互聯網上看到一些名詞如UV、CPL、ND等不知道是甚麼，其實這些都是攝影鏡頭的濾鏡名稱。濾鏡固名思意就是過濾光線的鏡片，通當也會安裝在鏡頭前面，於光線進入相機之前先行把一些不想要的光線隔除以達到一些特別的效果，現在就讓我們簡單介紹一下一些常用的濾鏡和實際應用吧！
紫外線濾色鏡 (Ultra-Violet Filter - UV Filter)
UV Filter可以吸收紫外線，對於大部分相片來說也沒有甚麼效果，但因為價格便宜，所以很多人也會把這濾鏡用作保護鏡頭。
減光鏡 (Neutral Density Filter - ND Filter)
減光鏡其實就是所謂的"灰鏡"，主要用來減少光線的進入，讓攝影師可以利用比正常慢的快門拍攝，於清晨、傍晚或反差強的環境(如前景太光而主體太暗)拍攝時會常常用到，當然在日光下拍攝瀑布也需要用上減光鏡來令快門變慢之餘又不會過曝，而拍攝出如絲般滑的水流。有些減光鏡會以漸變的形式來製适，因而稱之為"灰度漸變鏡"，其好處是能令相片顯得自然，避免接合位兀突的情況發生。
偏光鏡 (Polarizing Filter - PL Filter 或 Circular Polarizing Filter - CPL Filter)
右圖為加了CPL的效果(點擊放大)
在眾多濾鏡當中最多人使用的莫過於偏光鏡了，偏光鏡有線性偏光鏡(PL，也稱直線偏光鏡)及圓偏光鏡(CPL Filter)兩大類。線性偏光鏡通常用於老式相機，因為反光鏡和測光/測焦分光鏡的原因，無法與單反相機一起工作。而圓偏光鏡則可以在跟任何一種相機上使用。偏光鏡構造為兩片加了特殊性材質鏡片，藉著旋轉調整角度來消除大自然中的雜光而使得拍攝主題呈現更真實顏色飽合的畫面。藉著偏光鏡能使天空更藍，消除水面的反光，樹葉更綠，大自然顏色更飽合，在攝影領域偏光鏡佔有重要的地位。而因為偏光鏡有減光的作用，所以也能用作減光鏡。對於偏光鏡的具體介紹和應用請參考以後的文章。
紅外線濾鏡 (IR Filter)
紅外線濾鏡其實不是消除光線中的紅外線，反而是阻檔可見光，只讓紅外線通過，拍攝出來的相片像黑白照但又具有獨特的色彩，而且有透視的效果。
柔化鏡 (Softening Filter)
柔化鏡能輕度虛化相片，令相片有朦朧意境的效果，常見於人像和花卉攝影。
天光鏡 (Sky Light Filter - SL Filter)
天光鏡和UV濾鏡一樣可以吸收紫外線，但天光鏡有另一種作用，就是校正色彩。天光鏡主要用於調節色溫，在晴朗陽光下拍攝彩色照片，可得到良好的色彩再現和高純度的畫面。尤其拍攝晴天室外人像時，能防止人物旁邊物體所引起的反光，使人物的膚色保持自然真實。但在數碼年代因為相機可以調校白平衡，所以基本上現在很少人使用天光鏡了。
黑卡 (Black Card)
黑卡不是濾鏡，只是任何一塊不反光的黑色卡，但也要放在鏡頭前面使用，用處跟減光鏡一樣，主要是用來減少某部份的進光量，但因為"搖黑卡"的時間是拍攝者自己控制，所以不受減光鏡的數值影響，常用於拍攝日出日落、煙花和夜景，使用時需要配合三腳架，黑卡的使用十分講求技巧，因此需要多練習，詳細分析請參考以後的文章。
33 Comments
Trackbacks
- 12個提升攝影創意的技巧 | 攝影入門 Photography Tips for Beginners
- [活動]《攝影入門》有獎問答遊戲-12月6日 | 攝影入門 Photography Tips for Beginners - 攝影技巧教學
Hi Alex,
你話UV Filter 對於大部分相片來說也沒有甚麼效果,
如果我長期加塊UV Filter係鏡頭上當保護鏡頭唔拆,
到有須要時再加多塊CPL上去先影相,兩塊一齊,
會唔會有問題?請賜教.
THANKS
Hi Ben,
UV和CPL其實有一定的厚度，當使用廣角鏡的時候就會有機會出面黑角，影響相片，因此不太建議兩塊同時間用。加上CPL本身會比 UV厚一點點，就算單獨使用CPL時，都有機會有黑角的出現，因此如果打算在超廣角的鏡頭(例如: 12-24mm, 17-35mm)使用CPL，都建議選擇一些比較薄的CPL，避免黑角的出現。
當然自己也是一個比較懶的人，當只是一、兩張相需要用上 CPL或星鏡的時候，我都會因為懶而不拆下原來的UV。但如果大部份時間都需要用上UV以外的Filter時，我就一定會拆下 UV!
TF
非常多謝 TF Yeung ching.
再想問, 你意思係當使用廣角鏡的時候就會有機會出面黑角,
但如果我用50mm以上或去到200mm, 又會有咩野問題出現,
定係會唔會有影像同色彩偏差? 請賜教.
Thx.
其實DC用唔用得Filter??
用得，不過恐怕無位裝....
有既,手持囉...
dc又唔係好重冇咩問題既
咁請問Alex及各位ching, 有咩牌子的UV/CPL/ND filter係比較好or常用的呢?
請問一塊46mm嘅ND/CPL鏡大概有幾貴?
請問, 在拍攝日出及日落時是否用減光鏡(ND Filter)會好啲呢?
如果要用應該用灰色還是藍色呢?
兩者有怎麼分別及如何使用?
Hi Jane,
有需要都可以話係既，但係主要用"灰度漸變鏡"來覆蓋天空和光位，讓地面的反差不至於太大和保留細節(除非刻意想做剪影效果)。通常用灰色，但有時也會用橙色來令天空更橙！
Alex
Thanks!
我想問下, 一般呢d鏡既價錢range係幾多架?
同埋, 個尺寸係base on咩架? 我見有佢地話由 37mm 到 82mm 適合不同的鏡頭配撘, 咁我點知自己應該買幾厚??
希望可以係度再學多d~
Hi FaYe,
價錢就基於(1)牌子 (2)尺寸 (3)質素，通常越大就越貴 (HK$200-1000都有)。
幾多mm唔係厚度來，係個Lens既直徑大小，因為有的Lens個直徑大的，有的細的，所以要配合返。通常你個lens cap會有寫幾大既，配返就OK！
ALex
哈... 多謝晒你先呀, Alex! 如果唔係, 我一定買得好錯!!
最近我係網上搵到100元以內有交易的賣家, 想問下, 如果真係買的話, 我應該留意d咩?
打擾了~
唔使客氣~ 100蚊睇你買咩filter啦，不過因為始終都係裝係鏡頭上，對光既影響幾大，$100你就唔好要求咁高喇... 有一樣野你要留意既係有的唔係原裝既filter裝左上lens之後係落唔到lens hood或者cap既，你自己睇下介唔介意就得！
Alex
明白喇~
咁我再上網睇睇啦~
再有野唔識, 希望你唔好介意我煩~
ps, 搵到呢個web site, 我真係覺得自己好好彩!! 多謝你呀!!!
我想買套漸變鏡 full set. LEE 好 D ﹖定係 COKIN KIT SET 呢﹖因為兩者價錢差好遠啊﹗
COKIN 漸變灰鏡係我夜晚學攝影既阿SIR 推薦的﹗
但我上網睇人哋 D COMMENT...就話COKIN 比天涯好好多.....但始終邊位影完有D散wor﹗
好多人讚 LEE.
我有一塊IR FILTER...但我影出黎點解唔係好似黑白照咁...反而係紅左呢?
你好:
小弟是單鏡新手, 有幸遇上閣下的攝影網站, 講解深入淺出, 令本人得益良多, 希望貴網站越做越好!
本人現用SONY A200 + 蔡司16-80, 想買慮鏡, 何謂 MC PROTECTOR?
煩請代為解答, THANKS
Someone say Nilkon CPL is the best (better another band as...色馬...canon...)
is it right ??
PLS call back !!
thanks..
Filter is change the nature of foto affect on the other factors before push the shuttle ;it is pro set up for photo, not only protect the len.
我都係攝影新手，睇左呢篇介紹好吸引，請問邊到買filter先好呢？
我用緊sony a330 + kit lens
想問下要買邊隻uv filter先岩?
係咪一定要用番sony既filter?
同埋幾多錢?
我想問o下CPL 係唔係只係用來影景?
如果用來影"景+人", 個人會唔會變得太暗?
to:Winnie Yim
其實kit lens我唔多贊成用filter,因為如果平嗰啲質素麻麻,貴嘅又真係幾貴,因為我都用過幾隻牌子,
質素就當然Sony T會好D但貴,如果中價可以買PRO 1D,呢隻係我覺得中規中矩嘅filter,希望幫到你
to:Keith Wong
如果冇記錯MC PROTECTOR係保護鏡,如果賣filte就要睇下你係咩用途,
小弟都係用Sony16-80發覺Sony T MC PROTECTOR比起其它中價filte簿,係16-24mm黑角會小D
希望幫到你
Hi Alex
我想问有没有FILTER可以把东西的红色突出一点.
冇記錯有一種叫調色FILTER,不過好似菲林機用較多
我係攝影新手,我部500d +18-55 kit鏡
應該買邊隻uv filter先岩??大約買咩價錢好?
thx
PANASONIC LX-3 係咪可以裝到FILTER嫁?
我想問有咪牌子既FILTER會比較好?
因為我係YAHOO! AUCTION見到CPL Filter 由幾十蚊到六百幾蚊都有唔識揀
THANKS!
想请问一下柔光镜和柔化镜,还有柔焦镜系味同一样野??!如果不是,各自有乜效果???多谢晒!